Divjakë, 19 gusht NOA - Një pushues ka gjetur vdekjen sot në plazhin e Divjakës, pasi mendohet se është mbytur.
Ngjarja ndodhi paraditen e sotme kur disa pushues në plazhin Divjakës kanë konstatuar një burrë rreth 60-vjeç të përpëlitej në ujë.
Ata janë përpjekur t'i japin ndihmën e parë duke e nxjerrë nga uji dhe më pas e kanë nisur drejt spitalit, por ai ka gjetur vdekjen gjatë rrugës.
Në vendngjarje mbërriti policia e cila nisi hetimet për të zbardhur rrethana e vdekjes së burrit.
Burime nga policia thanë për agjencinë e lajmeve NOA se deri më tani nuk dihet identiteti i pushuesit ndërsa trupi i tij i pa jetë u transportua në morgun e spitalit për ekzaminime të mëtejshme.
k.k/NOA
