Irak, 19 gusht NOA - Një sërë shpërthimesh kanë përgjakur Bagdadin duke shkaktuar më shumë se 75 të vdekur dhe 310 të vdekur.
Mediat vendase raportojnë deri më tani 75 të vdekur dhe 310 të plagosur, por pritet që numri i të dëmtuarve pritet të rritet pas shpërthimeve që ndodhën sot në Bagdad të Irakut më e përgjakshmja që prej largimit të trupave të NATO-s nga vendi.
Autoritetet bënë të ditur se njëri nga shpërthimet shkatërroi ndërtesa pranë Zonës së Gjelbër të fortifikuar rëndë, duke e mbuluar atë me mbeturina dhe me xhama të thyer. Shpërthimi u regjistrua në afërsi të Ministrisë së Jashtme irakiane dhe bëri që të thyheshin xhamat në ndërtesën e parlamentit. Ndërkohë që shpërthimet janë regjistruar brenda Zonës së Gjelbër ku kanë selinë shumë ambasada të huaja dhe zyra të qeverisë. Sipas policisë një tjetër sulm me mortaja kishte si shënjestër ndërtesën e guvernatorit të Bagdadit, ndërsa një makinë shpërtheu pranë Ministrisë së Financave në Bagdadin verior. Një shpërthim tjetër ndodhi në lagjen Salhiya të Bagdadit qendror ku janë vendosur bazat e ushtrisë.
Shpërthimet e një pas njëshme përgjakën Bagdadin, ndërsa autoritetet vazhdojnë të nxjerrin trupa nën rrënoja ndërsa çojnë për ndihmën e parë të plagosurit që numërohen me qindra.
k.k/NOA
