Nju Jork, 22 gusht NOA-Një adoleshente amerikane 16-vjeçare ka marrë timonin e autobusit, pasi shoferit i ka rënë të fikët duke shpëtuar jetën e 9 fëmijëve që udhëtonin me këtë mjet.
Adoleshentja pa patentë ka tërhequr frenat e dorës, duke e ndalur autobusin para se të kalonte një kryqëzim në lagjen "Queens" në New York.
"Kalova në vendin e shoferit dhe gjëja e parë që bëra ishte ngritja e frenave të dorës deri në fund", rrëfen 16-vjeçarja në një intervistë për "New York Daily News".
Në fund ajo shton se ky ka qenë një nga momentet me të tmerrshme të jetës se saj edhe pse tashme është transformuar në një heroinë për familjet e fëmijëve.
m.i/NOA
