Beograd, 24 gusht NOA-Një delegacion i Fondit Monetar Ndërkombëtar vlerëson në Serbi nëse ka nevojë për lëvrimin e pjesës së dytë të një huaje emergjence me vlerë tre miliardë euro që iu dha vendit në muajin maj.
Serbisë i nevojitet kjo shumë për të reduktuar defiçitin buxhetor.
Serbia hyri zyrtarisht në recesion në çerekun e parë të këtij viti, kur ekonomia e saj pësoi një tkurrje me 3.5 për qind.
Asaj iu dha një hua emergjence nga FMN-ja për të kaluar situatën me kusht që të merreshin masa për të ulur borxhin kombëtar.
Për të arritur këtë, qeveria premtoi të shkurtojë vende pune në administratën e fryrë publike, por përjashtoi mundësinë e rritjes së taksave.
Nuk është ende e qartë nëse kjo do të jetë e mjaftueshme.
Disa presin që qeveria t'i kërkojë FMN-së këtë javë, që t'i lejojë Serbisë një defiçit më të madh publik, sesa ishte parashikuar.
Nëse Fondi pajtohet dhe është i kënaqur me strategjinë ekonomike të Serbisë, atëherë do të jepet edhe pjesa e dytë e huasë, mbi 1 miliard dollarë.
