Athinë, 25 gusht NOA-Në kohën kur negociatat për çështjen e emrit mes Shkupit dhe Athinës kanë hyrë në një fazë të re, diplomacia greke sërish porosit autoritetet e Maqedonisë që të heqin dorë nga vlerat dhe historia nacionale e tyre.
Shefja e diplomacisë greke, Dora Bakojani deklaroi se Qeveria Gruevski po bënë përkpjekje dhe lëvizje të gabuara për ta ndryshuar apo rishkruar të kaluarën.
"Qeveria Gruevski -"duke u përpjekur të fusë në xhep historinë, mendon se mund të rishkruhet e kaluara.
Ajo po e shtyn popullin e vendit tonë fqinj drejtë fanatizmit, jotolerancës duke e distancuar kështu nga perspektiva euroatlantike", theksoi Bakojani.
Diplomatja greke theksoi se Greqia është duke marrë pjesë në negociatat për emrin në një frymë konstruktive, me qëllim të arritjes së një zgjidhjeje reciprokisht të pranueshme, pa fitues dhe humbës.
"Ky është edhe mesazhi i bashkësisë ndërkombëtare, Bashkimit Evropian dhe NATO-s në Shkup.
Mesazh i formuluar falë përpjekjeve tona të përbashkëta. Pozicionet tona janë të njohura, siç janë linjat e kuqe tona të pacenueshme.
Një zgjidhje me një emër të përbërë, me përcaktim gjeografik për përdorim nga të gjithë. Një zgjidhje që do të përfitojnë të gjithë.
Një zgjidhje për një të ardhme të bashkëpunimit dhe të sigurisë për rajonin tonë dhe popujtë tanë", theksoi Bakojani.
Ajo ka theksuar se negociatat nën patronazhin e OKB-së janë duke hyrë në një fazë të re dhe se dy vendet duhet të bëjmë çdo gjë të mundeshme për të marrë epilogun e këtij konstesti me rezultat të mirë. (NOA-INA)
