Devoll, 26 gusht, NOA - Forcat e policisë kanë mundësuar kapjen e të shpallurit në kërkim, 33-vjeçarit Altin Begolli, banues në fshatin Menkulas të Devollit.
Sipas të dhënave policore për agjencinë e Lajmeve NOA, ky person disa muaj më parë ka kryer vjedhjen me thyerje të një betoniere në fshatin Menkulas dhe nga gjykata e Korçës është dënuar me 7 muaj burg për veprën penale të "Vjedhjes", parashikuar nga neni 134/1 i kodit penal.
Ndërkaq, bëhet e ditur se policia e Korçës ka mundur të arrestojë në flagrancë duke vjedhur dy persona të tjerë.
Bëhet fjalë për E.E dhe Kadri Hoxhalli, që të dy banues në fshatin Vashtmi të Korçës.
Arrestimi i tyre u bë pasi janë kapur duke vjedhur dyqanin e fshatit në pronësi të Xhafer Konicës.
U kryen veprimet proceduriale për veprën penale të "Vjedhjes" parashikuar nga neni 134 i Kodit Penal dhe materialet do t'i kalojnë prokurorisë së Korçës.
n.e/NOA
