Prishtinë, 27 gusht NOA-Presidenti i Kosovës, Fatmir Sejdiu dekoroi sot në Prishtinë, Ismet H. Rrahmanin me Medaljen "Luftëtari i Lirisë - Adem Jashari", për trimërinë dhe kontributin e dhënë për lirinë dhe pavarësinë e Kosovës.
Vendimi për dekorim Presidenti e mori në bazë të Kushtetutës së Republikës së Kosovës, neni 84, pika 28, si dhe në bazë të Rregullores mbi Dekoratat, Urdhrat dhe Titujt e Nderit të Kosovës, që i jep Presidenti i Republikës së Kosovës dhe Procedurat e Dhënies së tyre, neni 3, 19 dhe 34.
Kjo medalje u jepet qytetarëve të Kosovës e të huaj, që kanë treguar trimëri dhe që kanë kontribuuar për lirinë dhe pavarësinë e Kosovës.
m.i/NOA
