Tiranë, 28 gusht NOA-Një nga kritikët më të fortë të Edi Ramës, deputeti  Ben Blushi thotë se kreu i PS-së po përdor alibi për humbjen në zgjedhje.
"Ndahem me ata njerëz që duan të gjejne alibi për humbjen e zgjedhje dhe hyj tek ata që mendojnë se difektet duhen kërkuar tek PS, dobësia e programit, anemia e koalicioneve dhe gabimet personale të Edi Rames", është shprehur Blushi sot për mediat.
 Sipas tij, qëndrimi tij kritik pas zgjedhjeve ka ardhur me tepër nga fakti se "në rradhë të parë, nuk kam vendosur të flas për hir të kritikës, por për hir të ndërgjegjes.
Unë hyj tek ata njerëz që besojnë se e vërteta duhet të njihet siç është".
Blushi thotë se gabimet e Ramës, sduhet të jenë përgjegjësi e gjithë PS-së.
Duke analizuar humbjen në zgjedhje, Blushi thotë se "do ishte naive dhe shumë e rëndë që në Kongres të bëhet një gjyq politik për ata që mendojnë ndryshe.
Ky kongres duhet të faktoje se për cilat arsye janë vjedhur votat dhe cilët janë ata që mes nesh janë shitur. Nese kongresi nuk merret me këtë gjë, nuk do jemi bindës".
Blushi pohon se ka 300 delegatë mbështetës në Kongres, por nëse nuk arrin qëllimin e tij, thotë se "nuk ka arësye të ketë çarje.
Çarjet brenda partive ndodhin kur rregullat nuk zbatohen. Kam ekspozuar me 300 delegatë një pakete që mund të gjeneroje një mirëkuptim brenda PS-së.
Edi Rama nuk ka një projekt për ta çuar PS-në në fitore.
Projekti i tij dështoi me 28 qershor.
Do vazhdoj të jem kundër për standartet e dyfishta. Rama nuk ka me një projekt, sepse projekti i tij u votua ne 28 qershor, dite ne të cilën nuk fituam", thotë Blushi.
