Bunol, 28 gusht, NOA - Festa e përvitshme ‘Tomatina' është shoqëruar edhe këtë herë me betejën tradicionale të më shumë se 40 mijë personave, të cilët janë ndeshur mes tyre me plot 100 tonë domate.
Duke i hedhur për orë të tëra domate njëri-tjetrit në qytetin spanjoll Bunol, kjo betejë ka përfshirë edhe mijëra turistë nga vende të ndryshme të botës që gjenden për të pushuar atje në këtë periudhë të vitit.
Tomatina është përmbyllur pas gazit të hareshëm të betejës me domate me pastrimin e qytetit dhe moslëndimin e asnjë qytetari.
