Korçë, 29 gusht, NOA - Në aksin rrugor Korçë-Pogradec, një automjet ka dalë nga rruga duke përfunduar në kanalin anësor të saj.
Sipas të dhënave policore për agjencinë e Lajmeve NOA, menjëherë në vendin e ngjarjes kanë mbërritur strukturat e policisë rrugore, të cilat kanë konstatuar se mjeti Fiat Punto me targë ZMX 3427, i drejtuar nga 36-vjeçarja Enkeleda Shtëmbari, banuese në qytetin e Beratit, ka humbur kontrollin gjatë lëvizjes dhe është përplasur me bordurën anësore prej betoni.
Për pasojë, drejtuesja e automjetit është rrëzuar dhe ka përfunduar në kanalin anësor të rrugës duke marrë dëmtime trupore dhe rrugës, gjatë transportimit për në spitalin e Korçës, ajo ka humbur jetën.
Në mjet, ndodhej dhe djali i saj 5-vjeç i cili ka marrë dëmtime trupore dhe është dërguar në Spitalin e Tiranës.
U kryen veprimet proceduriale për veprën penale të "Shkeljes së rregullave të qarkullimit rrugor" parashikuar nga neni 290/1 i Kodit Penal, ndërsa materialet do t'i kalojnë prokurorisë së Korçës për hetime të mëtejshme.
n.e/NOA
