Sangerhausen, 29 gusht NOA-Dy fëmijë, pjesëtarë të një familjeje kosovare, kanë mbetur të vdekur kur apartamenti i tyre u përfshi mbrëmë nga flakët në qytetin Sangerhausen të Gjermanisë.
Fëmijët e moshës 4 dhe 9-vjeçare nuk kanë mundur të mbijetojnë, ndërsa pjesëtarët e tjerë të familjes kanë arritur të shpëtojnë duke dalë mbi çati, bëri të ditur policia, transmeton DPA.
Disa nga pjesëtarët e familjes shqiptare/kosovare ndodhen në spital.
Zjarrfikësit thuhet se shpëtuan edhe një familje serbe që jetonte një kat më poshtë. Ndërkohë që disa banorë të tjerë të ndërtesë janë shtrirë në spital, pasi janë helmuar nga tymi.
Policia gjermane po heton shkaqet e zjarrit.
m.i/NOA
