Japoni, 30 gusht NOA - Në Japoni po zhvillohen sot zgjedhjet e përgjithshme të cilat mund të ndryshojnë politikën e këtij vendi.
Mediat vendase raportojnë një pjesëmarrje të gjerë të votuesve në kutitë e votimit.
Ulja e ndjeshme e papunësisë gjatë muajve të fundit në Japoni mendohet të jetë një nga shkaqet që mund të kthejë politikën e këtij shteti, ku Partia Liberal Demokratike, e cila ka qenë në pushtet për një kohë të gjatë, mund ta humbë pushtetin.
Kryeministri Taro Aso iu ka bërë thirrje votuesve për një mandat tjetër me argumentin se nën drejtimin e tij ekonomia tashmë ka dalë nga recesioni.
Nga ana tjetër kundërshtarët e Asos, u kanë premtuar votuesve se me të ardhur në pushtet, do të forcojë sistemin e asistencës sociale dhe do të ndërmarrë reforma rrënjësore në administratë.
