Washington, 31 gusht NOA-Ish-zëvendëspresidenti i SHBA-së, Dik Cheney mund të refuzojë takimin me prokurorin John Darem, i cili është emëruar për të kryesuar hetimet kundër CIA-s, nën dyshimin për abuzimin e të burgosurve në Irak dhe Afganistan.
Cheney vlerëson se bëhet fjalë për një hetim politik dhe shtoi se është kjo një gjë e keqe për sigurinë kombëtare të SHBA-së.
Sipas ish zv/presidentit amerikan, edhe  Bill Clinton, dikur ish president ka gabuar kur ka vendosur të takohet me udhëheqësin e Koresë së Veriut, në kuadër të misionit të tij për të siguruar lirimin e dy gazetarëve amerikane të arrestuar nga regjimi në Phenian.
Clinton ka zhvilluar një takim me Kim Jong Ilin, i cili ka zgjatur tri orë dhe menjëherë pas këtij takimi u liruan dy gazetarët amerikane, të cilat kishin kaluar disa muaj në burg për shkak të hyrjes ilegale në territorin e Koresë së Veriut.
"Mendoj se kur një ish-president amerikan takohet me udhëheqësin e Koresë së Veriut, atëherë është ky një shpërblim për sjelljet e tyre të këqija", theksoi Cheney.
m.i/NOA
