Tokio, 31 gusht, NOA - Kryeministri i ri i Japonisë, do të jetë Yukio Hatoyama pas fitores në zgjedhjet e përgjithshme elektorale, ku Partia Demokratike e drejtuar prej tij arriti një fitore të thellë duke e larguar pas kaq vitesh nga pushteti Partinë Demokratike Liberale.
Kjo e fundit e ka udhëhequr Japoninë pothuajse në mënyrë të vazhdueshme që nga viti 1955 dhe vetëm pas 55 vitesh është mundësuar rrëzimi i saj nga pushteti.
Yukio Hatoyama dhe qeveria e tij tani kanë si detyrë që ta nxjerrin ekonominë e vendit nga reçesioni dhe të luftojnë papunësinë e cila ka arritur shifra rekord në Japoni.
Nga ana tjetër, ish-kryeministri Taro Aso tha se do të merrte përsipër përgjegjësinë për atë që ai e quajti humbje të thellë dhe se do të jepte dorëheqjen nga posti i kryetarit të partisë.
