Mitrovicë, 2 Shtator NOA - Një ndeshje futbolli ka shërbyer për konflikt mes të rinjsh shqiptarë dhe serbë në një lagje të Mitrovicës, mbrëmjen e djeshme.
Ngjarja ndodhi te "Kodra e Minatorëve", kur të paktën shtatë djem që i përkasin minoritetit serb në Kosovë, u lënduan në rrahje e sipër me një grup të rinjsh shqiptarë, në poligonin sportiv të lagjes ku ata banojnë.
Policia nuk raportoi të lënduar nga shqiptarët, ndërkohë që edhe të lënduarit serbë, morën mjekim në shtëpinë e shëndetit dhe më tej u kthyen në banesat e tyre,
Nga hetimet e para që kreu policia në Mitrovicë, doli se djemtë shqiptarë dhe ata serbë, ishin duke luajtur së bashku në një ndeshje futbolli dhe konfrontimi mes tyre erdhi për shkak të mosmarrëveshjeve që lindën gjatë lojës, jo mbi baza ndëretnike.
e.n/NOA
