Tiranë, 5 shtator, NOA - Pas vendimit të djeshëm të Kryesisë së Partisë Socialiste për bojkotin e Kuvendit të ri, ai pritet që të legjitimohet sot në mënyrë përfundimtare gjatë mbledhjes së grupit parlamentar të kësaj partie.
Sipas të dhënave paraprake për agjencinë e Lajmeve NOA, burime pranë selisë rozë bëjnë me dijeni se grupit parlamentar do t'i paraqitet nga kryetari Rama lista e kushteve me të cilat duhet të paraqitet në seancën e parë të Kuvendit të ri.
E nëse merret vendimi final për bojkot, deputetët e grupit parlamentar do të marrin urdhër për të mos qenë të pranishëm në seancat plenare, pa u plotësuar më parë kushtet e përmendura.
Mësohet se ato kanëtë bëjnë që me zgjidhjen e pretendimeve të Ramës për manipulime në zgjedhjet e 28 qershorit, deri tek zbardhja e plotë e hetimit për vrasjen e ish-deputetit socialist, Fatmir Xhindi.
