Tiranë, 7 shtator, NOA - Drejtoria e Emergjencave Civile pas tërmetit të konstatuar në zonën e Peshkopisë, menjëherë ka ngritur Shtabin e Emergjencës, i cili është dërguar në mënyrë urgjente në terrenin e goditur.
Lajmi është bërë i ditur nga drejtori i Emergjencave Civile, Alfred Olli, sipas të cilit tashmë kanë nisur inspektimet në zonën e tërmetit dhe po kryhet vlerësimi i dëmeve përkatëse të shkaktuara nga tërmeti.
Ai bën me dijeni, se nuk ka asnjë të lënduar nga ky tërmet, ndërsa banorët e zonës tregojnë se ky ka qenë tërmeti më i rënë ndonjëherë që nga viti 1979.
Të dhënat e para mbi dëmet, tregojnë se në komunën me 7500 banorë, 6 shtëpi rezultojnë fare të pabanueshme, ndërsa thuajse të gjitha kanë pësuar plasaritje dhe dëme lokale.
n.e/NOA
Â
Â
