Tiranë, 8 shtator NOA - Një tjetër dëshmitar ka dëshmuar sot në seancën e radhës që zhvillohet në Gjykatën e Krimeve të Rënda për zhdukjen e biznesmenit shqiptaro-maqedonas Remzi Hoxha në vitin 1995 në Tiranë.
Astrit Sula, ish-ekonomisti i firmës së duraluminit të Remzi Hoxhës, deklaroi sot para trupit gjykues të dhënat e një personi që kishte parë ti afrohej Hoxhës ditën që biznesmeni është marrë nga mjediset e firmës në Tiranë në vitin 1995. Dëshmitari tha se personi, kishte bërë një kontroll në makinën e Hoxhës, pas largimit të tij nga firma, por pasi tregoi për gjykatën disa të dhëna fizike të këtij personi tha se nuk e njihte atë.
Pasi dëshmoi mbi karakteristikat e këtij personi që ai ka parë ditën e zhdukjes së Remzi Hoxhës, Sula ka lënë gjykatën.
k.k/NOA
