Ohër, 9 shtator, NOA - Pas disa ditëve nga mbytja tragjike e saj, sot pritet të nxirret nga fundi i liqenut të Ohrit anija "Ilinden" me të cilën pak ditë më parë u mbytën 15 turistë bullgarë në Ogër të Maqedonisë.
Lajmi bëhet i ditur nga medias vendase, sipas të cilave anija është identifikuar tashmë në ç'pjesë të liqenit ndodhet dhe vetëm pritet nxjerrja e saj me mjetet përkatëse.
Të dhënat e deritanishme të ekipit hetimor tregojnë se ngjarja tragjike mund të jetë shkaktuar nga mungesa e veshjeve shpëtuese.
Ndërkaq, në skenë ka dalë edhe pista e këputjes së kabllos së timonit që lidhet me elikën
si shkaku më i mundshëm i aksidentit, i pohuar nga vetë ministri bullgar i Transportit, Alexander Tsvetkov.
Për të mos harruar as akuzën e çuditshme që mbërriti nga Kisha bullgare, sipas të cilës fajtor për tragjedinë ka qenë koncerti i Madonës në Sofje në muajin gusht, ditën e Shën Gjonit.
n.e/NOA
