Tiranë, 9 shtator NOA - Emërimi i bashkëshortit të saj, kryeministër edhe për katër vjet të tjera duke se nuk ka qenë i vetmi gëzim për Liri Berishën, gruan e Sali Berishës, e cila është nderuar me çmimin "Gruaja e vitit", nga rrjeti i Informacionit të Grave në Washington DC.
Bashkëshortja e Kryeministrit Berisha, Liri Berisha u nderua me çmimin "Woman of year for the international achievement" gjatë një mbrëmjeje gala , të zhvilluar sot në Washington DC, nga rrjeti i Informacionit të Grave një prej organizatave më të rëndësishme profesionale, politike dhe sociale dedikuar mbështetjes dhe fuqizimit të aktiviteti të grave dhe vajzave demokrate amerikane (WIN) Women Information Network. Ky rrjet është themeluar në vitin 1989 dhe bazohet mbi idenë se gratë mund të ndihmojnë njëra tjetrën drejt arritjes së suksesit.
Çmim iu dha Liri Berishës me motivacionin "për angazhimin e saj në botën e gruas, veçanërisht për gratë në nevojë dhe për punën e saj të palodhur për ta bërë botën një vend më të mirë për gratë dhe për të gjithë qytetarët."
Anëtaret e këtij rrjeti janë gra demokrate, të angazhuara politikisht, të cilat punojnë në Kongresin dhe Administratën amerikane, grupime të mendimit politik, kompani konsulence, etj.
EIN ka rrjetin e saj në Kongresin Amerikan (Senat dhe House), me përbërjen e 5 senatoreve dhe 38 kongresmeneve si dhe të Kryetarja e Dhomës së Kongresit.
k.k/NOA
