Shkup, 10 shtator NOA-Një marrëveshje e arritur dje në Beograd midis ministrave të Transportit dhe Lidhjeve të Maqedonisë dhe Serbisë parashikon liberalizim të plotë të transportit dhe shkëmbimit të mallrave.
Kjo ka qenë marrëveshja e radhës, e cila ka shfaqur hapur marrëveshjet që tashmë janë arritur midis qeverive të të dy vendeve.
Ministri i Transportit Mile Janakievski nënshkroi një Deklaratë të posaçme me homologun serb Milutin Mërkonjiç, e cila parasheh avancimin e bashkëpunimit me qëllim të përmirësimit të infrastrukturës transportuese dhe bashkëpunimit në të gjitha llojet e transportit, e në interes të zhvillimit ekonomik.
Sipas Janakieskit, me marrëveshjen për bashkëpunim në qarkullimin rrugor do të mundësohet liberalizim i plotë në transportin e rrugëve dhe mallrave, me ç'rast qarkullimi do të mbahet pa regjim të lejeve për pjesëmarrësit, të cilat do t'i plotësojnë standardet evropiane.
"Arritëm marrëveshje që Maqedonia t'i heq taksat rrugore për transportuesit e Maqedonisë nga Serbia, për çka kërkuam reciprocitet edhe nga pala serbe", informoi ministri Janakieski në konferencën për shtyp pas nënshkrimit të Deklaratës.
Nga ana tjetër, Qeveria aktuale vazhdon prolongimin e vendosjes së marrëdhënieve diplomatike me Kosovën, e cila do të zhbllokonte procesin e bashkëpunimit dhe nënshkrimit të deklaratave ndërshtetërore për bashkëpunim në fusha të ndryshme.
Â
Â
Â
