Uashington, 10 shtator, NOA - Që të gjthë e dinë se një nga sfidat kryesore të presidentit amerikan, Barak Obama, ka qenë ajo e reformës në shëndetësi, linçuar kjo që në fjalimet e hershme të tij gjatë fushatës elektorale.
Një të tillë mbajti ai edhe dje para dy dhomave të Kongresit mbi çështjen e reformimit të kujdesit shëndetësor, duke shkaktuar një nivel të lartë reagimesh nga ana e ligjvënësve amerikanë.
Presidenti Obama tha se sistemi i tanishëm i kujdesit shëndetësor e ka çuar vendin në një kulm vështirësish, duke rënduar klasën e mesme të amerikanëve që përpiqen të paguajnë për kujdes shëndetësor, në pamundësi për ta patur atë.
Presidenti Obama tha se propozimet për reformën, që përllogaritet të kushtojë 900 miliardë dollarë gjatë një periudhe 10 vjeçare, do të sillte siguri e qëndrueshmëri për personat e siguruar dhe do të bënte të mundur për dhjetëra milionë amerikanë që nuk janë në gjendje të përballojnë sigurim shëndetësor për t'u siguruar nëpërmjet një sistemi konkurues mes kompanive private. Ndërkaq, republikanët nga ana e tyre, thanë se Obama në fakt nuk dha hollësi konkrete rreth propozimeve dhe thanë se nëse do të niste taksa për reformën në shëndetësi, siç pretendon Obama, kjo gjë do të sillte një taksë të re të rëndë për amerikanët dhe bizneset e vogla, si dhe do të shtonin defiçitin buxhetor.
n.e/NOA
