Tiranë, 11 shtator NOA - pas 17 ditësh dhe 1,200 km, përmbyllet në Tiranë turi kombëtar i Klubit Automobilistik Italian nga Livorno (Automotive Club Italia [ACI] - Livorno).
Ky tur është i përbërë nga 28 anëtarë të ACI - Livorno të cilët kanë udhëtuar në Shqipëri me 14 automjete të tipit "rulot" duke përshkruar gati të gjithë territorin shqiptar.
Gjatë turit anëtarët janë pritur nga Kryetari i Bashkisë së Shkodrës, Kryetari i Bashkisë së Korcës, Zëvendës Ambasadorin Italian, Konsulli Italian në Shkodër, si dhe disa organizata të shoqërisë civile.
Ky tur kombëtar është i veçantë në llojin e tij pasi ka ndërthurur turizmin me aktivitete të ndryshme sociale në të mire të disa prej komuniteteve në nevojë në Shqipëri. Në ditën e fundit të tij, në datën 10 shtator 2009, turi përmbyllet me një aktivitet të organizuar në bashkëpunim me OJF-në "Tamam" e cila punon që prej vitin 2008 me familjet dhe fëmijët e prekur nga tragjedia e Gërdecit.
Këtë vit organizata "TAMAM" po organizon kampin e dytë të fëmijëve të prekur nga shpërthimi i Gërdecit me materiale didaktike të gjitha të dhuruara nga anëtarët e ACI - Livorno.
Në datën 10 shtator, në ambientet e "Restorant (dhe Parkut të Lojrave) Blurit" në dalje të Tiranës, fëmijët e Kampit të Gërdecit/Marqinetit do të takojnë anëtarët e ACI - Livorno për t'u njohur nga afër me ta dhe për të marrë pjesë në disa aktivitete psiko-sociale. Ndërkohë, "Restorant Bluri" po u jep fëmijëve të prekur nga tragjedia e Gërdecit mundësinë për të kaluar një ditë në këndshme në parkun e lojërave të Restorant Blurit.
e.r/NOA
