Paris, 14 shtator NOA-Popullariteti i presidentit të Francës, Nicolas Sarkozy, ka shënuar rënien më të madhe gjatë katër muajve të kaluar, ka dëshmuar rezultati i anketës më të re, e cila sugjeroi se francezët e intervistuar nuk e mbështesin reagimin e tij ndaj krizës globale ekonomike.
Përkrahja për Sarkozynë ra në 44 për qind në javën e parë të shtatorit, nga 48 për qind sa ishte nga mesi i gushtit, dëshmoi anketa e bërë nga agjencia Viavoice for French për të përditshmen franceze Liberation. Rreth 54 për qind e të anketuarve theksuan se kanë qëndrime negative për Sarkozynë, ndërsa 58 për qind e të anketuarve theksuan se reagimi i presidentit francez ndaj krizës financiare dhe ekonomike gjatë vitit të kaluar ka qenë negativ. "Anketa dëshmon se francezët vlerësojnë si negative politikat e Sarkozysë, të cilat i ka iniciuar për t'u përballur me krizën", theksoi drejtori i Viavoice, Francois Miquet-Marty. "Sipas mendimit të tyre, sistemi ekonomik dhe financiar nuk është reformuar, se plani për nxitje nuk është efektiv", shtoi ai.
Â
