Â
Washington, 14 shtator NOA-Presidenti i SHBA-së, Barak Obama do të mbajë një fjalim të rëndësishëm një vit pasi sistemi financiar amerikan ishte në prag të falimentimit.
Ai do t'i flasë Wall Street-it që ka rritur tashmë besimin, besim si në pozitën financiare dhe në aftësinë për të kundërshtuar ndryshimet legjislative që e ndjen se nuk janë në interes të tij.
Në fjalimin e tij, presidenti thuhet se do të bëjë thirrje për ndryshime të rregullave të sistemit financiar, kjo lloj reforme sistematike që shumë besojnë është e nevojshme që gabimet që çuan në krizën kreditore të mund të shmangen për të ardhmen.
Kthimi i fjalëve në vepra natyrisht do të jetë e vështirë për këtë president në shumë fronte dhe shumë analistë janë të shqetësuar se duke mos vepruar kur sektori financiar është në fazën më të dobët dhe vullneti politik në shkallën më të lartë, do të humbet një mundësi e artë për të sjellë reformë të kuptimshme.
