 Gjirokastër, 16 Shtator NOA - Një fëmijë gjeti vdekjen pasditen e sotme gjatë një aksidenti rrugor për të cilin akuzohet një i mitur, informon korrespondentja e agjencisë së lajmeve NOA.
Ngjarja ndodhi në orën 17.40 në një rrugë dytësore pranë Këlcyrës.
Viktimë në aksident është Besmir Kasa, 14 vjeç, lindur e banues në fshatin Cukë të rrethit Përmet.
Policia kreu hetimet e para dhe thotë se ngjarja erdhi si pasojë e përdorimit të automjetit të prindit, nga 17-vjeçari Blerim Mera, nga i njëjti vendbanim me viktimën.
I dyshuari i aksidentit kishte marrë makinën e të atit dhe po lëvizte me të, edhe pse nuk kishte leje drejtimi automjeti (patentë).
Në një moment të keqdrejtimit të makinës markë "Toyota", ai ka përfshirë nën rrota 14-vjeçarin Besmir Kasa duke e përplasur fatalist në çastet kur ai po ecte në rrugë me një biçikletë.
Fëmija ka gjetur vdekjen e menjëhershme, kurse adoleshenti i tmerruar është larguar nga vendi i ngjarjes, për të rënë në prangat e policisë pak minuta më vonë.
/v.d/b.a/NOA/
