Tiranë, 17 shtator NOA - Kryeministri i Shqipërisë, Sali Berisha ka marrë sot një mesazh urimi nga ana e Ambasadorit rus të akredituar në Shqipëri, Aleksandër Prishchepov, me rastin e emërimit të tij në krye të qeverisë dhe votëbesimit të qeverisë të re që Berisha do të drejtojë.
"I nderuar zoti Kryeministër, nga ana e korpusit diplomatik të Tiranës dhe nga ana ime personale pranoni urimet e mia më të sinqerta me rastin e emërimit Tuaj në postin e Kryeministrit të Republikës së Shqipërisë dhe të marrjes së votëbesimit për qeverinë, që ju formuat, në Kuvend" thuhej në mesazhin e Ambasadorit rus Prishchepov drejtuar kryeministrit Berisha.
"Ju uroj, zoti kryeministër, suksese të reja në shërbimin tuaj për interesat dhe të mirën e popullit të Shqipërisë.
Pranoni, zoti Kryeministër, sigurimet e konsideratës sime më të lartë.
Me respekt Aleksandër Prishchepov" përfundonte mesazhin e tij Ambasadori rus.
k.k/NOA
Â
