Bruksel, 18 shtator NOA - Për të punuar në aspektin e mbrojtjes, NATO-ja ka propozuar si një partner të ri Rusinë.
Sekretari i Përgjithshëm i NATO-s, Anders Fogh Rasmussen bëri thirrje sot në Bruksel për një "rishikim të përbashkët" të sfidave të sigurisë në shekullin e 21 dhe tha se Rusia duhet të jetë një "pjesmarrëse reale" dhe një "partnere" në sigurimin evropian dhe ndërkombëtar. "Rusia, NATO-ja dhe Shtetet e Bashkuara duhet të shikojnë mundësinë e lidhjes së sistemeve të raketave "në një kohë të përshtatshme" tha Rasmussen. I dërguari i Rusisë në NATO, Dmitry Rogozin i vlerësoi pozitivisht komentet e Rasmussen duke shtuar se ata duhet t'i analizojnë së bashku propozimet e ndryshme. Marrëdhëniet mes Rusisë dhe Evropës Perëndimore u ngrohën pas rënies së qeverisë komuniste në Moskë. Por ato u tensionuan përsëri vitin e kaluar kur Rusia i shtoi përpjekjet për ndikim në vendet ish komuniste të Evropës Lindore dhe dërgoi trupa për të ndërhyrë në Gjeorgji.         Â
