Barcelonë, 19 shtator, NOA - Lojtarin më i mirë i Ligës së Kampioneve, i vlerësuar si i tillë vetëm para pak ditësh, ka vendosur të qëndrojë ende në ekipin e Barcelonës.
Fjala është për sulmuesin e Barcelonës, Lionel Messin, i cili e ka ripërtërirë marrëveshjen e tij me ekipin kampion të Evropës, Barcelonën, e cila do ta mbajë atë në Camp Nou deri në vitin 2016.
Kanë qenë mediat spanjolle ato që kanë komunikuar lajmin, duke pohuar se Lionel Messi do të nënshkruajë marrëveshje të re me klubin.
"Lionel Messi e ka vazhduar besimin e tij ndaj Barcelonës, pasi sot ka nënshkruar marrëveshje të re me klubin. Argjentinasi sipas marrëveshjes së re, do të qëndrojë në klub deri në vitin 2016 dhe klauzula blerëse e tij do të kap vlerën e 250 milionë eurove", thuhet në deklaratën e publikuar në faqen zyrtare të klubit. Klubi i Barcelonas, kishte kohë që punonte rreth vazhdimit të kontratave me yjet kryesore të klubit, si Lionel Messi dhe Andres Iniesta, të cilët sipas deklarimeve në media, do të qëndrojnë në klub deri në vitin 2016.\
n.e/NOA
