Itali, 21 shtator NOA - Kreu i futbollit evropian Michel Platini dëshiron të kufizojë shpenzimet, dhe njëkohësisht është kundër video teknologjisë.
Presidenti i UEFA, Michel Platini, ka paralajmëruar ekipet që po shpenzojnë shumë si Real Madrid e Manchester City se shpenzimet e mëdha do të ndalohen para vitit 2012. "Nga viti 2012, klubet do të shpenzojnë aq sa fitojnë"' tha Platini.
"Unë dua t'i ndihmojë klubet, jo t'i vras ato. Une mendoj që 93 milion euro janë të tepërta për një lojtar. A do të ketë kundërshtarë? Ndoshta nga presidentët liberal që dëshirojnë të vazhdojnë biznesin e tyre" tha Platini. Francezi gjithashtu hodhi poshtë përdorimin e video teknologjisë në fushë për t'i ndihmuar referëve në raste të dyshimta. "Ashtu do të mund të luajmë në PlayStation" tha ish lojtari i Juventus.
