Krujë, 22 shtator NOA - Një fëmijë ka gjetur vdekje tragjike vetëm rreth 18 muaj pasi kishte ardhur në këtë botë, pasi ra nga dritarja e banesës së tij, në rrethana aksidentale.
Ngjarja e rëndë ndodhi në lagjen "Varosh" të qytetit të Krujës kur fëmija 18 muajsh M.P., ra nga dritarja e katit të dytë të shtëpisë përdhese, informon korrespondentja e agjencisë NOA,
Mjekët, thanë se dërgimi i fëmijës në spital nuk kishte vlerë pasi ai kishte marrë plagë të rënda në kokë dhe trup, për shkak të rënies nga lartësia dhe i vogli ndërroi jetë pak orë më vonë.
Policia kreu hetimet e para dhe konkludoi se vdekja e fëmijës ishte aksidentale.
I vogli, gjendej në shtëpi dhe së bashku me të ishte dhe një tjetër fëmijë i vogël. Duke luajtur që të dy në dhomën e ndenjes, befas M.P është afruar tek dritarja, dhe jashtë vëmendjes së mundshme nga njerëz të rritur, ka rënë duke gjetur fundin tragjik.
e.r/NOA
