Tiranë, 26 shtator NOA-Thirrjes së Partisë Demokratike përmes n/kryetarit të saj, Aldo Bumçi, Â për të hyrë në parlament, selia rozë i është kundërpërgjigjur menjëherë.
Sipas zëdhënëses së PS, Armela Imeraj, PS ka dhënë gjithçka për NATO e BE, tani është koha që Berisha të përballet me përgjegjësitë.
"Sali Berisha e la Shqipërinë të fundit në rrugën e liberalizimit të vizave sepse u mor me pasurimin e familjes së tij jo me plotësimin e kushteve për proces.
Opozita ka dhënë gjithçka për integrimin në NATO dhe Bashkimin Evropian.
Sot është koha që Sali Berisha të përgjigjet për zgjedhjet e deformuara, drejtësinë e gjunjëzuar dhe ekonominë në rrënim", u shpreh Imeraj.
Sipas opozitës, as fajësimi që asaj i bëhet, as martesa me Metën dhe as krushqia me Nanon nuk e shpëtojnë dot Sali Berishën nga përballja me përgjegjësitë e tij të rënda.
