Prishtinë, 29 shtator, NOA - Deri dje kanë jetuar në Gjermani, por tani e tutje e kanë të detyrueshëm kthimin në Kosovë, e kjo falë një marrëveshje të nënshkruar mes dy palëve, e cila detyron riatdhesimin e kosovarëve nga ky shtet.
Në fakt, Gjermania është shteti i parë nga po nis zbatimi i një marrëveshje të tillë, por mësohet se Kosova ka nënshkruar si ajo edhe me shtete të tjera perëndimore, nga të cilat pritet të mbërrijnë në ditët e ardhshme qytetarë të tjerë të saj.
Mësohet se sot në Aeroportin e Prishtinës kanë mbërritur 30 të riatdhesuarit e parë, ndërkohë që pritet të vijnë edhe shumë të tjerë, të cilët janë prekur direkt nga një marrëveshje e tillë.
Bëhet fjalë për dhjetëra emigrantë kosovarë në Gjermani, të cilët nuk e kishin të përcaktuar statusin e tyre në këtë vend.
Kjo situarë ka për të treguar efektet e saj në Kosovë, duke ditur se ajo gjendet në një situatë të vështirë ekonomike dhe sociale.
Por pavarësisht problemeve që mund t'i shkaktojë ky proces, autoritetet kosovare pohojnë se qeveria e Kosovës do të nënshkruajë marrëveshje për riatdhesimin e kosovarëve edhe me Norvegjinë, Belgjikën dhe Zvicrën.
n.e/NOA
Â
Â
