Tiranë, 4 tetor NOA-Ministri i Ekonomisë dhe Energjetikës i ka bërë sot thirrje Entit Rregullator i cili sipas ligjit ka të drejtë të vendosë për tarifat e çmimit të energjisë, të mbajë parasysh mbrojtjen e konsumatorit nga rritja abuzive e çmimeve.
Në konferencën për shtyp, ministri Prifti ka theksuar se qeveria nuk mund të ndërhyjë në përcaktimin e tarifave, por ajo do t'i kërkojë Entit të mbajë parasysh disa kategori të cilat preken më shumë nga vendimi.
OSSH i ka kërkuar Entit që të rrisë me 23 për qind çmimin mesatar të energjisë.
Pasi të marrë në shqyrtim kërkesën, Enti do të japë brenda datës 15 dhjetor vendimin zyrtar për çmimet e reja të energjisë në vend.
