Prishtinë, 6 tetor NOA - Kryeministri, Sali Berisha gjatë vizitës së tij në Kosovë është takuar me presidentin, Fatmir Sejdiu dhe kanë dhënë një konferencë të përbashkët për mediat.
"Është e veçantë që pikërisht në këtë kohë të zhvillimeve kaq të bujshme, kryeministri Sali Berisha dhe Shteti Shqiptar e siguron Kosovën për një mbështetje të fuqishme edhe për procese të rëndësishme.
Për ne është historike momenti i anëtarësimit të Shqipërisë në NATO është i edhe veprimet e shpejta racionale të ecjes së Shqipërisë drejt BE-së" u shpreh presidenti Sejdiu gjatë konferencës për shtyp.
Ndërkohë që Sejdiu u shpreh se për herë të parë Kosova do të menaxhojë zgjedhjet në nivel lokal.
"Është irracional qëndrimi i Beogradit, i cili bën thirrje për të penguar serbët të japin votën e tyre", theksoi Sejdiu.
Ndërsa deklarata e Sejdiut është mbështetur edhe nga kryeministri Berisha i cili tha se "Është në interes të pakicës serbe që të zgjedhe përfaqësuesit e vet vendore, duke vendosur standarde të reja. Shpresoj që kjo çështje të mos bëhet problem ndërpartiak politik në Beograd".
Ndërkaq Berisha e quajti fat praninë e EULEX në Kosovë, ndërsa shtoi se diplomacia Shqiptare do të bëjë thirrje ta vazhdueshme shteteve që nuk e kanë njohur pavarësinë e Kosovës për tu radhitur në listën e gjatë që dhanë OK-ein.
k.k/NOA
