Golem, 7 tetor, NOA Update - Pronari i hotelit "Elesio" në Golem të Durrësit, së bashku me katër persona të tjerë, janë shoqëruar paraditen e sotme në mjediset e komisariatit të Policisë së Durrësit, për të dhënë sqarime mbi ngjarjen e shembjes së ballkonit të këtij hoteli mëngjesin e sotëm.
Lajmi konfirmohet nga korrespondenti i agjencisë së Lajmeve NOA në vendngjarje, i cili bën me dijeni se mes të shoqëruarve të tjerë janë edhe dy inxhinierë, të cilët janë marrë me punimet e hotelit në fjalë.
Sipas të dhënave paraprake nga burimet policore të Durrësit, shpërthimi mund të jetë shkaktuar nga një bojler në një nga dhomat e hotelit, i cili i gjendur në zbrazëti, pa ujë, mund të ketë provokuar shpërthimin, që më pas ka shkaktuar edhe shembjen e pjesshme të gati gjysmës së ndërtesës së hotelit "Elesio" në Golem të Durrësit.
n.e/NOA
