Tiranë, 10 tetor NOA - Sekretarja e Shtetit e SHBA Hilari Klinton (Hillary Rodham Clinton), i ka dërguar një letër përgëzimi Ministrit të Brendshëm Lulzim Basha, me rastin e emërimit në këtë detyrë.
Në këtë letër Sekretarja Clinton thotë se pret me kënaqësi të bashkëpunoj me pasardhësin tuaj Ministrin e Jashtëm Meta për të realizuar qëllimin tonë të përbashkët të një Europe Juglindore në paqe dhe prosperitet.
Kurse menjëherë më pas, siguron Bashën: "Jam e sigurtë se rrugët tona do të takohen përsëri", - duke i shprehur edhe "urimet më të mira për detyrat tuaja të reja".
Në letër, Hilari Klinton i thotë ministrit Basha se "ju e lini Ministrinë e Jashtme me arritjen e jashtëzakonshme të futjes së kombit tuaj në NATO dhe garantimin e një trashëgimie sigurie dhe bashkëpunimi euroatlantik për popullin e Shqipërisë".
Po ashtu, Klinton i shpreh falënderime Bashës, "për mbështetjen e jashtëzakonshme që ju i dhatë Kosovës për t'ju bashkuar familjes së kombeve".
 Pres me kënaqësi të bashkëpunoj me pasardhësin tuaj Ministrin e Jashtëm Meta për të realizuar qëllimin tonë të përbashkët të një Europe Juglindore në paqe dhe prosperitet.
f.sh/NOA
