Tiranë, 12 tetor NOA-Promovimi i turizmit e bukurive natyrore të vendit tonë në botë nuk do të kryhet vetëm nga institucionet e linjës, tashmë në këtë fushë do të përfshihen dhe ambasadat tona të akredituara jashtë.
Ky ka qenë thelbi i memorandumit të mirëkuptimit që Ministria e Jashtme dhe Agjencia Kombëtare e Turizmit nënshkruan sot.
"Ky memorandum e obligon Ministrinë e Punëve të Jashtme, drejtoritë përkatëse brenda kësaj ministrie, si dhe përfaqësitë tona diplomatike në një numër shumë të madh vendesh, brenda dhe jashtë Evropës, që të bëhen aktorë të rëndësishëm në fushën e diplomacisë ekonomike duke pasqyruar turizmin, një prej mundësive tona të zhvillimit ekonomik, kulturor, dhe social", tha Gazmend Turdiu, Sekretar i Përgjithshëm i Ministrisë së Jashtme.
Ndërsa drejtoresha e Agjencisë Kombëtare të Turizmit ka theksuar se ky memorandum është shprehje jo vetëm e vullnetit të përbashkët por dhe e detyrimeve të përbashkëta që janë lidhur deri tani.
Â
