Amerikë, 12 tetor NOA - Një këngë e re e mbretit të muzikës pop, Michael Jackson, e cila nuk ishte publikuar deri më tani, është bërë njohur gjatë ditëve të fundit.
Kënga mban emrin "This is it" dhe besohet se është incizuar në fillim të vitit 1991 në albumin legjendar të mbretit, të quajtur "Dangerous".
Ajo është publikuar në faqen zyrtare të këngëtarit, ndërsa menjëherë pas publikimit kënga është shpërndarë në të gjithë botën. "This is it" përmban mbështetjen vokale nga vëllezërit e këngëtarit të ndjerë, por ajo që është e paqartë është fakti nëse këto janë të përfshira para ose pas vdekjes së tij.
