Korçë, 13 tetor, NOA - Forcat e policisë së Korçës kanë nisur veprimet proceduriale për veprën penale të "Veprave të turpshme" dhe "Vjedhjes së pasurisë" të parashikuara nga neni 108 dhe 134/1 i Kodit Penal në ngarkim të një të mituri.
Burimet policore bëjnë me dijeni për agjencinë e Lajmeve NOA se i akuzuari është 14-vjeçari me inicialet A.P, lindur dhe banues në Korçë, për të cilin thuhet se ka kryer vepra të turpshme dhe i ka vjedhur një byrzylyk floriri një tjetër të mituri.
Autori për shkak të moshës së vogël është lënë në gjendje të lirë, ndërsa materialet iu kaluan prokurorisë së Korçës.
