Tiranë, 13 tetor NOA - Deputeti i Partisë Socialiste dhe një nga pjesëtarët e "Lëvizjes për Mendim Ndryshe", Andis Harasani, i ka cilësuar zgjedhjet e 15 nëntorit si një shans që nuk duhet humbur në një betejë ndaj koalicionit të brishtë qeveritar PD-LSI duke kundërshtuar kështu bojkotin e zgjedhjeve të pjesshme që Partisë Socialiste ka paralajmëruar.
"Është koha e duhur që të përballemi me këtë koalicion të brishtë. Të vjen keq që mbledhja e Kryesisë së PS-së bëhet 24 orë me vonesë nga mbyllja e orarit zyrtar të regjistrimit të kandidatëve.
Në mbledhjen e kryesisë personalisht do kërkoj që PS të marrë pjesë në këto zgjedhje, pasi është mundësia më e mirë për ne, për të vërtetuar të gjitha ato akuza që i kemi ngritur kësaj qeverie", tha sot në një deklaratë për shtyp Harasani.
Ndërkohë që deputeti Harasani ka qenë dakord për të nënshkruar kërkesën e socialistëve drejtuar parlamentit për hetimin e zgjedhjeve, por sipas tij do të ishte më mirë që hetimit ndaj zgjedhjeve të bëhen në Kuvend ku opozita të jetë e pranishme.
k.k./NOA
