Tiranë, 14 tetor NOA -Ministria e Shëndetësisë deklaron se reforma e nisur në shërbimin parësor do të vijojë duke pasur në fokus të saj pacientin dhe shërbimin sa më cilësor të tij.
Ministri Petrit Vasili ka theksuar se pa një ekuilibrim të shërbimeve nuk mund të ketë sukses të reformave ndaj bazat duhet hedhur që në shërbimin parësor.
"Jam i bindur që kjo përvoje e grumbulluar me mbështetjen e USAID-it nëpërmjet projektit të "Pro shëndetit" do të shërbejë edhe në të ardhmen për evidentimin e fushave të reja të bashkëpunimit në kuadër të reformës dhe strategjisë së Ministrisë së Shëndetësisë për zhvillimin e sistemit shëndetësor shqiptar", tha Vasili në fjalën e tij mbajtur në konferencë.
Prej 6 vitesh, reformat në shërbimin parësor u mbështetën financiarisht nga ISAID përmes programit "Pro Shëndetit".
Me rastin e mbylljes së këtij cikli programi, u organizua një konferencë në nivel të lartë ekspertësh ku merrnin pjesë ministry i Shëndetësisë, Petrit Vasili, drejtoresha e ISKSH Elvana Hana dhe ambasadori amerikan në Tiranë, Xhon Uidhers.
m.i/NOA
