Tiranë, 18 tetor NOA-Kryetarja e kuvendit të Shqipërisë, Jozefina Topalli dhe ministri i Jashtëm i Turqisë, Ahmed Davutoglu kanë rënë dakord që prioritet i dy vendeve duhet të jetë bashkëpunimi dhe integrimi ekonomik.
Gjatë takimit në kryesinë e kuvendit, Davutogli e Topalli kanë theksuar se bashkëpunimi ndërparlamentar ka nisur të marrë një dimension të ri, duke e bërë diplomacinë parlamentare komplementare të diplomacisë ekonomike.
"Turqia është e interesuar për dinamizim të bashkëpunimit parlamentar me Shqipërinë, pasi Parlamenti është shpirti i një kombi," tha sot Ministri i Jashtëm i Turqisë, Ahmet Davutoglu.
 Kryetarja e Kuvendit shprehu besimin në forcimin e mëtejshëm të bashkëpunimit ekonomik në infrastrukturë, telekomunikacion dhe gaz, por edhe në arsim e kulturë, ndërsa Ministri Davutoglu shprehu interesin e Turqisë për të nxitur më tej rritjen e numrit të investimeve turke në Shqipëri.
m.i/NOA
Â
