Bolonja, 18 tetor NOA/UPDATE- Identifikohet shqiptari që u masakrua mbrëmë me thikë në një lokal në Bolonja të Italisë.
Sipas autoriteteve italiane, mësohet se viktima është Ardit Murtaj 25-vjeç nga fshati "Tre vëllezër" në Vlorë.
Policia italiane bëri të ditur se i riu shqiptar u qëllua disa herë me thika nga persona ende të panjohur dhe ndërroi jetë gjatë rrugës për në spital.
Hetuesit nisën punën për të zbardhur motivet e kësaj vrasjeje.
Sipas policisë, prishja e pazareve të drogës dyshohet të jetë një motiv i kësaj vrasjeje pistë kjo në të cilën policia ka përqendruar hetimet.
k.k/NOA
