Tiranë, 18 tetor NOA - Zëvendëskryeministri dhe ministri i Jashtëm, Ilir Meta ka folur sot gjatë konferencës së përbashkët për shtyp me homologun e tij turk, edhe për marrëveshjen e kufijve të Maqedonisë dhe Kosovës.
Gjatë fjalës së tij, Meta ka përshëndetur marrëveshjen e kufijve duke u shprehur se ky është një pak tregues mirëkuptimi mes dy vendeve.
Ministri i Jashtëm, Ilir Meta deklaroi gjithashtu se pakti do të favorizojë stabilitetin afatgjatë në rajon.
Ndërkohë që marrëveshja e kufijve të Republikës së Maqedonisë dhe Republikës së Kosovës është përshëndetur edhe nga qeveria Shqiptare.
Zëdhënësja e qeverisë, Majlinda Bregu doli në një deklaratë për shtyp ku theksoi se qeveria Shqiptare e quajti një akt historik marrëdhëniet midis dy vendeve mike në rajon dhe si një kontribut shumë të rëndësishëm për konsolidimin e paqes, stabilitetit dhe bashkëpunimit rajonal.
k.k/NOA
