Tiranë, 21 tetor NOA - Prenoton pushime në Turqi por veçse pagoi paratë nuk shkoi askund.
Për pushimet e dështuara, një 30-vjeçar ka denoncuar punonjësen e një agjencie udhëtimi se e ka mashtruar.
Burime nga policia thanë për agjencinë e lajmeve NOA se kanë çuar për ndjekje penale në gjendje të lirë 37-vjeçaren me iniciale I.C për veprën penale të "Mashtrimi".
Sipas policisë 37-vjeçarja punon në një agjenci udhëtimi në Rrugën e Durrësit, dhe në muajin shtator të këtij viti ajo dyshohet se ka mashtruar 30-vjeçarin, duke i marrë një shumë prej 945 euro, gjoja për t'i prenotuar pushime në Turqi.
Por kur kaluan gati dy muaj pushimet e klientit nuk u zhvilluan gjë për të cilën ai denoncoi për mashtrim punëtoren e agjencisë.
k.k/NOA
