Tiranë, 23 tetor NOA - Tre të plagosur dhe një i vdekur është bilanci i një aksidenti që ka ndodhur para pak çastesh në Fushë-Prezë të Tiranës.
Mësohet se dy makina të tipit Benz dhe Golf janë përplasur me njëra-tjetrën pranë Fushë-Prezës në kryeqytet.
Për pasojë ka mbetur i vdekur një person dhe janë plagosur tre të tjerë.
Policia e cila mbërriti menjëherë në vendngjarje nuk ka mundur të identifikojë të dëmtuarit e aksidentit ndërsa ka transportuar në spital tre të plagosurit të cilët ndodhen në gjendje të rëndë.
Hetuesit e aksidenteve kanë nisur hetimet për të zbardhur rrethanat e kësaj përplasjeje.
Nga hetimet e para dyshohet se shpejtësia e madhe dhe rruga e lagësht dyshohet të jenë shkaktaret e këtij aksidenti.
k.k/NOA
