Shkup, 23 tetor, NOA - Kryetari i partisë bullgare VMRO, Krasimir Karakaçanov, tha se kjo parti i ka dorëzuar një memorandum qeverisë bullgare, ku kërkohet kushtëzimi i Maqedonisë në rrugën drejt BE-së dhe NATO-s.
Ministri Bozhidar Dimitrov i cili është i ngarkuar për çështjen e bullgarëve jashtë shtetit bullgar të enjten ka pritur në një takim delegacionin e VMRO, të kryesuar nga lideri i saj, Krasimir Karakacanovin. Ky subjekt politik i ka dorëzuar ministrit bullgar një memorandum, nga ku kërkohet që të kushtëzohet hyrja e Maqedonisë në NATO dhe BE.
Kushtet e parashtruara në memorandum:
1-Respektimi i të drejtave të bullgarëve në Maqedoni.
2-Kthimin dhe ruajtjen e trashëgimisë kulturore bullgare në territorin e Maqedonisë.
3-De-ideologjizimin e librave shkollore nga propaganda anti bullgare.
4-Monitorim ndërkombëtar mbi institucionet të cilat nuk janë duke u reformuar nga e kaluara Jugosllave.
"Pa plotësimin e këtyre kritereve Maqedonia do të ketë veto nga ana e Bullgarisë për hyrje në BE dhe NATO", deklaroi Krasimir Karakacanov për agjencinë e lajmeve INA.Ndërsa, ministri bullgar u shpreh i kënaqur me idenë e delegacionit të VMRO-së dhe se premtoi se të njëjtën do ta shtroi në mbledhjen e Këshillit të Ministrave.
NOA-INA
