Tiranë, 23 Tetor NOA - Një vajzë e cila ishte denoncuar si e zhdukur është gjetur dhe pavarësisht dyshimeve, policia nuk ka gjetur asnjë provë që të demonstrojë marrje me forcë të adoleshentes.
Fakti bëhet i ditur nga seksioni kundër trafiqeve të paligjshme, burime të të cilit i thanë sot agjencisë NOA se kanë arritur të mbyllin me sukses, kërkimet e nisura dy ditë më parë, pas kallëzimit të 56-vjeçares D.I. banuese në Petrelë të Tiranës.
Gruaja kishte denoncuar se ishte larguar nga banesa vajza e saj vajza 19-vjeçare M.V.,, lindur në Dibër dhe banues në Petrelë, Tiranë, ku si pas saj ishte marrë nga persona të paidentifikuar, për qëllime trafikimi.
Në të vërtetë, vajza u gjet në Mullet rrugës për në Petrelë. Policia deklaroi se nga verifikimet e kryera deri tani, nuk rezulton se kjo 19-vjeçare të jetë marrë me forcë nga ndonjë person, kundër dëshirës së saj.
Gjithsesi, policia theksoi se po vazhdon puna për sqarimin e plotë të rrethanave të zhdukjes dyditore të vajzës që u bë objekt i kërkimeve policore.
f.sh/NOA
