Tiranë, 23 tetor NOA - Një shpërthim ka ndodhur sot në mëngjes në një gurore në periferi të Tiranës, me pasojë vdekjen e një punëtori.
Burime policore i thanë në vendngjarje gazetarit të NOA se viktima është Reshat Dajti, 46 vjeç, me banim në zonën e Tufinës.
Nga hetimet e para rezulton se viktima ka qenë duke vendosur nj sasi lënde plasëse në guroren e shtetasit Bashkim Kuka ku ishte i punësuar dhe menjëherë më pas, është përfshirë në shpërthim.
Policia dyshon shumë se kemi të bëjmë me një aksident i cili erdhi në rrethanat e shpërthimit të pakontrolluar të lëndës plasëse që po vendosej me qëllim zgjerimin e rrezes së përftimit në gurore.
Policia ka bërë të ditur për NOA se është duke hetuar në detaje rrethanat e ngjarjes dhe ka vendosur të marrë në pyetje në këtë hetim, pronarin e gurores, kurse ka shoqëruar sakaq, administratorin dhe persona të tjerë për të sqaruar përgjegjësi të mundshme në këtë incident.
e.r/NOA
